AUFSCHREI gegen Genderwahnsinn!
De Welt steht auf kan Foll mehr long....
I glab jetzt is es soweit, mir seind mittn im Fosching!
Wia i de Bericht vom "Gernderwahnsinn für Kärntn" glesn hob, hob i glei auf an "Foschingsschmäh" aus Klognfurt gedocht. Oba leida bin i munta wordn, wia da "Bledsinn" bei "Kärnten heute" bestätigt wordn is. Is denn so etwos möglich, wos sich do anige Politika ausgedocht hobn? Do sand sicha a gonza Tschock Studierta monatelong in sehnan Büros gsessn und hob den "Topfn" ausgeheckt und in an 71 - seitign Genderleitfodn für Kärntn zsomngfosst.
Es gibt kan Bäck, Bauer, Gost und Polizist mehr!
In Zukunft soll es jo unta Ondarn kan Bäck (Fachkraft für Bäckerei), kan Bauern (Landwirtschaftlich Beschäftigter), kan Gost (Besuchsperson) und kan Polizistn (Polizeikraft) mehr gebn. Auf so a Idee muaß ana erst kumman! I hoff, dass des olles nur a schlechta "Foschingsscherz" wor und sich der Schock in da Bevölkarung bold mit an kräftigen "LEI - LEI" auflösn werd!
Klognfurt führt!
Man muaß holt als Villacha schweren Herzens zuagebn, dass diesmol de Klognfurta als Erster mit an Foschingsschmäh aufhurchn hobn lossn!
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.