Vü Büda und an Text dazua.
- hochgeladen von Erika Bauer
Den Tog hob i bei dem Weda so richtig nutzen müssen... Deshalb bin i zum Brandhof gfohr´n..... und von do aus bin i zur Graualm maschiert. Es worn schon einige Leut untawegs.... Der Weg do auffi is echt a angenehme Streck´n. Bevor i zur Hohen Weichsl weiter bin...hob i amol Abdruscht´n müssen. Und do bin i zum Sigi gaunga. Der hot a einige Leut hucka ghobt. Echt liab is do om zum hucka.... Aber weil i jo a Runde vorghobt hob , bin i net gor so laung bliem.
Weida is gaung zur Hohen Weichsel. Imma a wengal auffi und wieda owe... so is dahin gaunga..und der Blick rundum...wor afoch fantastisch. Wirklich net zum sattsehen is do oben.
Den Gipfelsieg hob i wiedamol so richtig genoßen. A wengal grost und a truckas Brot gessn...und natürlich umadumfotografiert. Daun is wieda runter gaunga. Pausenlos hot´s pfiffa - weil die Murmmala jo Alarm schlong haum müssen...
Des nächste Ziel wor des Seeleitenkreuz.... Dort aukumma, hob i mi mit an Schluckal Schnapsal belohnt. Im Zick Zack is runter gaunga Richtung Seeberg.... Fost vor der Bundestrasse hob i obgschwenkt und bin die Alte Straße zum Brandhof maschiert... noch einigen Stunden und vielen Km.... wor i wieda beim Auto.
Ps.... Der Tog woa afoch wunderschön.
MeinBezirk auf
MeinBezirk als 
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.