Tiroler Mundartkreis
- hochgeladen von Kaller Walter
Obfrau Lilo Galley stellt heute den „ausgewanderten“ doch immer wieder gern in seine Heimat, ins Tiroler Unterland zurück kehrenden Mundartautor Sebastian Haselsberger vor, der ein liebevolles Gedicht unserer verstorbenen Mundartkollegin und Freundin Franzi Ferlan widmete!
Außerdem organisierte Sebastian am 1.Juni 2012 bereits zum 16. Mal das Mundarttreffen im Stangl Wirt in Going, das er vor 16 Jahren gründete und von vielen Gästen sehr gerne besucht wird!
Franzi
I hab amoi a Freindin kapt-
de war lustig- mit vui Sinn,
de hat net gfragt- was i hab-
de hat mi mögn- so wia i bin.
Mia homb ins voa vui Jahr gfundn-
und es war Sympatie aufn easchtn Blick,
es warn a unvagessne Stundn-
i denk so oft und gern zurück.
Franzi hat die Freindin koassn-
sie war vo Broatnbach am Inn.
Sie hat ois ongsteckt mit ia Art-
awa am liabstn wars mit ins-
mit ins und den vuin Mundartdichtan,
zig Leit hat sie zum Lachn bracht,
war mit 100 nu bei Mundartreffn-
hat a Gaudi gmacht oft Tag und Nacht.
Bekonnt worn a as Karwendlgams-
sie war zach, obwoi si kloan,
mit iwa 90 den longn Marsch-
gsaust is iwa Stock und Stoan.
Sie war quasi net zu bremsn-
sie hat bezwunga jede Schlucht,
ob mit Menschn oder Gemsn-
mit oan Woascht- sie war a Wucht.
„Und boids nix mea zum Lachn geit-
gfrei i mi auf die Ewigkeit“
Von Franz stommt des Gsatzl-
2007 hat sie ins valassn.
Da Tiroija Mundartkreis hat iatz mit ia-
a unvagessliches ORIGINAL valorn-
i wett, es denkn vui wia mia-
so was wia d` Franzi- weascht nimma geborn.
Des war fir Franzi aus Tiroi-
dea is Hearz und Humor so iwavoi.
Liawe Freindin Franzi- i denk oft an Di!
Sebastian Haselsberger
FOTO: Peter Kitzbichler
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.