Herbstgedicht im Dialekt
"Herest auf da Oim"
"Herest auf da Oim"
von Helmuth Guggenberger sen. aus Mittersill
Hiatz is wieda stüh und stad auf da Oim.
Dahi san d'Rössa, Kia und a de Koim.
Fa de Manggei tuast nix hean und a nix segn,
I moa, dass de scho im Wintaschlof legn.
Doscht und do a kloans Blümelein
Genießt den herrlichen Sonnenschein.
Nit zan glaam, owa echt koa Schmeh,
Da Enzian bliaht Mitte Oktowa, do drom auf da Heh'.
A liabs kloans Bleamei - i ku's nit dakenna,
Da Hansi tuats "Teddybären-Blume" nenna.
Gestärkt durch de guate Luft und de herrliche Ruah,
Geh i wieda owi, dem Stodlärm zua!
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.