Sensnmah-Bewerb in Pischdoaf
A Sport fia d'Ledahosn
D'Wiesn maht heit kaum wer nu mit da Sensn. Damit de Technik net valoarn geht, vaånstoit d'Låndjugnd jeds Joah an Bewerb.
PISCHDOAF. D'Burschn håm 100 Quadratmeta zum mah, d'Mädls 35 – mit da Sensn und so schnö wia möglich. Håndmah is a Technik, de heit kaum mehr ågwendt wird. D'Låndjugnd måcht dodraus a Spoatårt.
Am 1. Juni gengan 70 Buama und 50 Mädels vun da Låndjugend im Bezirk Braunau in Pischdoaf an Start. Jeda muas dabei a Reih mah. De Jury schaut se das Gånze dånn å und kontrolliat wia sauba und schnö gmaht woan is. Damit des Bezirksmah via ålle a Gaudi wiad, gibts fia d'Zuaschaua an Frühschoppn.
Fias Sensnmah braucht ma net nua a Kråft: "Es kimmt vor ållem auf de richtige Technik å. A weng a Ausdaua soiat ma a hom", vazöht da Hirschlinga Thomas. Er is da Bezirksagrarrefarent und trainiert mit de Låndjugendlichn fian Bewerb.
Die weit des Grås åbigschnittn wird is net wichtig, woas da Hirschlinga: "De Fläch soiat am Ende sche homogen gmaht sei." Vü brauchts net zum Sensnmah, aussa am Werkzeig – oiso da Sens – am wengal an Wün und dem richtign Gwand: "A Ledahosn kimmt auf da Wiesn imma guat a."
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.