TIROLER MUNDARTKREIS
De Mundart in da Untan Schrann von Kathi Kitzbichler
Bei ins, do gibt’s dia Ausdrück:
A Bois, adiam und zeascht,
amend, agaling, glustig,
a Fersn is a Feascht.
Zu rückwärts song ma aschling,
zu Juckreiz song ma Beiss,
an Stroach spühn, is an Duck toa,
mit Vorsotz und grod zfleiss.
A iwatriems Getue,
des is bei ins a Gschmatz,
und zu de zwiedan Kinda,
song mia gonz oafoch Gfratz.
A Semme is a Bietschä,
a Knotn is a Knupf,
kaputt hoaßt bei ins dalig,
a Heiwä is a Gupf.
A Sums, des is a Goretz,
da Müll hoaßt bei ins Glumpp,
wenn eppa beim Geh hinkn tuat,
donn is a hoit scho krumpp.
De Granggln sen de Preislbeern,
zum Schöpfa song ma Gotz,
zu quietschn song ma gwiggetzn,
a Muizä is a Kotz.
So ren mia in da Untan Schronn,
im untastn Tiroi,
und wenn’s a bissl losn toats,
vastehts ös ins a woi!
Du möchtest selbst beitragen?
Melde dich jetzt kostenlos an, um selbst mit eigenen Inhalten beizutragen.
3 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.