Da bissl åndane Wåndaführa
S'Soizkåmmaguat aus da Sicht vun an Innviatla
A Büdband oda dåch a Wåndaführa? Des neiche Buach vum Mühlleitna Andreas führt zu de schenstn Platzl im Soizkåmmaguat.
ÅSCHPÅCH(höll). Da Mühlleitna Andreas is bekånnt ois Fotograf, Bergführa und weit Groastn. Jetzt håts den Åschbåcha ins Soitzkåmmaguat vaschlågn. Då håt a se de schenstn Platzl ågschaut, Büdl davo gmåcht und de jetzan in am mordsdrum Buach zsåmmgfåsst.
Des beste am Buach "Naturjuwel Salzkammergut" is, dass da Mühlleitna net nua de voi übarenntn Platzl aufzöht, sondan Wegal und Tourn zu gånz besondane Orte fia de Lesa bereithoit. Alloane schå beim duachblattln mechat ma glei de Wåndaschah åziangn und se aufn Weg måcha.
Unta de 25 Naturschätz im Soizkåmmaguat san net nua Wåndarungen fia Geübte, såndan a vü schene oba weniga ånspruchsvolle Tourn fia Familien, de söbst mit kleanane Kinda guat zum schåffn san.
Des Buach gibt åb sofoat im Fåchhåndl und taugt net nua Wåndara. De Büdl låssn den Lesa sofuat auf a Reise geh – a ohne Wåndaschuah.
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.