Gedicht zur Lage
Der ganz normale Wahnsinn!
- Foto: martin/panthermedia.net
- hochgeladen von Barbara Ebner
A jeder jammert, mancher schimpft
und oft wirst gfragt: sag bist du gimpft?
„Expertn“ gibts, so vui wia nia
doh koaner woaß was, kimmt ma viar.
Es gibt oft Streit: dafür, dagegn -
und vui zerkriagn sih scho deswegn.
Is wirklih schad, und muass ned sei -
in manchn Sturkopf geht nix ei!
Soid jeder gern sei Meinung ham
des Departiern bringt d`Leit ja zsamm.
Ja seltn had grad oaner Recht,
war sche, wann ma moi zuahern mecht.
Und ned den andern überzeugn,
weil d`Wahrheit lasst sih eh ned beugn.
Lassts jedn sagn was er grad wui
dabei sche ruhig bleibm, des bringt vui.
Den andern wirklih respektiern -
ned schrei und plärrn und recht sekkiern.
Mir sitzn ja im selbn Boot,
drum hoits auf Kurs in dera Not!
Und wann wer schier vor Angst vergeht
wars sche, wann dann wer zua eahm steht!
Ned gegnanand, na mitanand!!!
Mir stehngans durch grad Hand in Hand!
Geh, seids ned grantig, liabe Leit
und besinnts eich auf de stade Zeit!
Von Anita Sattlecker aus Braunau
Aktuelle Nachrichten aus Braunau auf 
Du willst eigene Beiträge veröffentlichen?
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.