Jaaaa, es stimmt!!!

Dass murgn mitm Liftbetrieb aufm steirischen Seeberg los geht. A bestens präparierte Pistn, zwaa guat gewartete Schlepplifte, a jungfräuliche Loipe und jede Menge Naturpulverschnee!!! Da heroben gibts nämlich kaan Kunstschnee! Da wird des anfoch ausgsessn und ohgwoart, bis er von söwa von obm owa kummt... Murgn is glei die nächste Ladung vorausgsagt!
Allerdings reicht des eh so ah schon, was jetzt da vorhandn is.
Also bin i heut von durt untn aufm Hochanger raufgestartet mit den Tourenschiern. Es Wetter war ja geradezu KITSCHIG schöööön, kein Wolkerl hat das Himmelsblau getrübt und i bin zu ana Zeit weggangen, wo die meisten Tourenschifahrer schon es erste Mal vom Berg runterkommen. Weils ja soooo kalt war, hat der Schnee auch zu Mittag noch Pulverqualität ghabt! Und diesmal gabs für mi kaa präparierte Pistn zum Runterfahrn! Mehr red i jetzt ned, schau dir die Bilder an und genieß den herrlichen Wintertag!
Leider hat mei Handy beizeiten schlapp gmacht (i nehm an, wegn der Kälte), darum gibts streckenweise kaane Bilder. Vor allem um die Panoramen obm am Gipfl tuts ma leid, weil dort hat ma heut a traumhafte Fernsicht ghabt! I sags glei, der Berg is a Geheimtipp... und i hoff, ma kann auch so ungefähr an Eindruck von der Höhenwanderung kriegn.