Verabredung......
Annaberg bei Mariazell: Tirolerkogel | ..... mit der Natur.
Jo genau, mit der kaun ma sich imma wieda verabreden. Ma braucht nur auf´n Tirolerkogel maschiern... Und des net glei - die übliche Route sondern ma geht vom Gscheid glei grod weida. Dieser Weg führt zum Walster Ursprung.
Do siacht ma jeden Tog die Natur , und des in olla Klorheit. Daun geht´s weida... sobold ma des Schild dasiacht, wo draufsteht - Walsterursprung, do geht glei a Weg grod auffi zua - auf die Ebenbaueralm... von dort aus siacht ma schon Olles supa markiert.
So schän is zum dahinmaschiern, Olles do om , strahlt oan aun und ma geht daun a ohne Schreck und Scheu und imma mit offane Aung auf den Berg zua.
Des letzte Stück is wirklich net seicht... auwa ma siacht die Berg so schän.. Vom Schneeberg bin hin zum Ötscher und weida zum Muckenkogel und Hinteralm... also an Rundumblick hot ma do zum genießen.
Die Hütt´n... die jo gaunz Neu gebaut worn is... is a sehr hübsch und Eigen. Den üblichen Weg nimmt ma daun a wieda owe, zum Auto.
Und waun ma vielleicht gfrogt wird , ob ma verliebt is, weils mit an zufriedenen Gsicht owegehst ... kaunst nur mit Jo beantworten... De Liebe zur Natur.
19 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.