LYRIK-ECKERL
"November"
- Foto: NABU
- hochgeladen von WOCHE Bruck/Mur
Er zoagt uns olln wos er kaunn
und faungt mit Trauer jedsmol aun,
vorm Ollerhalingtog ba d´ Gräber
do san am Werk die Goartnpfleger
richtn a Grob her, ders net kaunn
und streichn noch mit Foarb an Naum.
Da Nebl liegt scha dick im Tol
losst kaum nou durch an Sunnanstrohl,
und wal die Tog san grau in grau
is ah de Zeit hiatzt gaunz genau
zan einischliafn in die Stubm,
wal drinnan geht’s do hiatzt recht um.
Da Reif hot längst an Bodn bedeckt
und olls wos grean woar drunt vasteckt,
die letztn Blattln blost da Sturm
va olle Bam, ma siacht die Spurn,
wal grod gaunz nockat san die Äst
und oubn a laares Vouglnest.
Besinnlich wird recht bold die Zeit
und da Advent mocht sih bereit,
do kimmt oft gaunz gach über Nocht
da Winter mit da weißn Procht
und Weihnocht is schun ah bereit,
´s is hiatzt hoamlih gaunz die Zeit.
Maria Schneider
MeinBezirk.at auf
Die Woche als 
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.