Vur Weihnachtn auf'd Ostern zuagehn...
Des geht do bei uns herobm in der Hochsteiermark!!! Echt!!! I erzähl kaan Schmäh!
Dass normalerweise glei nach Weihnachtn auf Ostern zuageht, des kenn ma jo eh, oba dass des bei uns VUR Weihnachtn ah geht, des hättets euch ned gedacht!!
Heut hab i mi nämlich es erste Mal nach meine Verletzungen an a klaane Wanderung gewagt. So weit meine Haxn mi trogn, so weit geh i, hab i beschlossn. Wohin? Jo, auf'd Ostern zua! Losmarschiert bin i glei direkt von dahaam, rauf aufs Eichholz, dann links Richtung Ostern-Alm. Früher Nachmittag wars, die Sunn hot gscheint und i bin auffi. Woar froh, dass es Wetter sooo schön woar. Rucksack tragn geht no ned, die Steckn kann i ah no ned brauchn, also wenig Ballast dabei ghabt und gnua Motivation. Der Weg hat si dann do a wengerl zaaht (i hab eam nimmer so guat in Erinnerung ghabt) owa i bin raufkumman, hab mit Entsetzn festgstellt, dass scho halba viere am Nachmittag war, dass der Weg runter laut Angabe no an die zweieinhalb Stundn dauern tät und dass heut der zweitkürzeste Tag sein sull!!!
Also hab i mein erstn Bergablauf gmacht. Hat funktioniert! Meine Haxn habm mi brav tragn, es Liacht hat ausgreicht und nach anaviertl Stund war i wieda unt.
Fazit: Guat is gangen, es funktioniert wieda ois so einigermaßn, gspiarn werd i heut nacht vermutlich olle meine Knochn... aba scheeeen woars!!!
9 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.