LYRIK-ECKERL
"Mei Steirerlandl"
Mei steirisches Laund
is a herrliches Fleckl,
is aussi gfolln daumols
vom Herrgott sein Säckl
und wia as ba d´ Schöpfung
in Händn hot gholtn,
do hot as uns gschenkt,
damit mas vawoltn.
Egal wou ma hin kimmt
im Laufe des Joahres,
überoll siachst a Büldl
a gaunz wunderboares
mit an Raumen an greanan,
rundherum sou vül Wold,
koa aunderes Laund gibt’s,
wos besser mir gfollt.
As steirische Landl
is mei Hoamat mei Wiagn
und ih könnt goar net aunders
ols mei Steiermoark liabm,
drum sog ih´s an jedn
sou gaunz im Vertraun,
´s hom nou olle bewundert,
drum kimm her und schau´s aun.
Maria Schneider
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.