Spuren im Schnee
... und a poar Winterimpressionen... Vögl beobachtn, den Gedankn freien Lauf lassn und schaun, wohin an de führn, war a interessantes Experiment.
Ganz normal zu Fuß bin i von dahaam weg, den ausgschaufltn Weg Richtung Seebach hab i eingschlagn, wo Rehe, Hasn und andere Tiere durch ihre Spurn schon zeigt habm, dass sie den Weg gekreuzt habm.
Dann bin i ana Autospur im Wald gfolgt, de zuerst no auf an Waldweg war und ins freie Feld raus is und plötzlich hat die Gschicht a Eigendynamik kriegt. Die Spurn habm zu erzähln begonnen: der Wagn is im tiefm Schnee hängenbliebm... Fußspurn san von dort weggangen, Auspuff-Abgasspurn im tiefm Schnee habm von vergebliche Versuche gezeigt, es Auto aus dem Schlamassl wieda rauszukriegn, mit der Bodnplattn muass er aufgsessn gwesn sein... dann auf amol große breite Traktorspurn... offmbar hat der Wagn ausm Schnee zogn werdn müssn... und dann a Streckn lang beide Spurn, sowohl de vom Traktor als auch de vom Auto... bis zur Ortsstraßn von Turnau, dort hat si die Spur verlorn, weil die Straßn ja gräumt war ...
Beim Zrückkommen habm letzte Sonnenstrahln dem in hohem Bogen in den Bach gefrästn Schnee a einzigartige Stimmung gebm, so als würd er sich leuchtend von uns verabschiedn...
26 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.