Neiga Fohrkortnautomat von Erika Schiefer
Heiteres Gedicht
"Tickets ohne Wortezeit", am Bauhnhouf steht a Schöckerl Leit, da Scholta is heit g'schloussn, die Leit schau'n gaunz vadroussn und zoagn an Blick an bösn. Neambb do ban Koatnlösn? Stott Personal steht hiatz akrat a neiga Fohrkortnautomat. Die Leit steihn hüflous hiatz davor und schau'n wiad' Kuah vorm neign Tor. Ich houff, es keinnt sih oana aus und bringg a Fohrkortn heraus.
Drum schaut's nur her ihr Lieben, do hoaßt's z'erscht fleißi üben! Muaßt d' Finga hin zan Büdschirm führn, "touch Screen", des hoaßt is Föhd berührn. Do wirst jo wirkli fost a Norr, besonders güt des fürn Senior! Da Apparat nimmbb's Göd net aun, ob irgendwou wer wechsln kaunn? Schnöll tat ich hiatz an Zwanzger brauchn, mei Koupf faungg laungsom aun zan rauchn. Follt's Göd nouh owi, host dih buckt, dawal haum d' aunern ummadruckt. An Neigstart mochst, die Zeit wird knopp, zan Zug reinnst hiatz in an Galopp! Walsd' vü z'vü konzentriert bist gwesn, host d' Reisetoschn fost vagessn. Ba dera Roas hätt ich fost great, in Zug wor nouh is Clo zuag'sperrt. Wou sullst die Noutdurft do verrichtn? auf sou a Zugroas kaunnst vazichtn! drum sog ich enk ihr liabm Leit:" Ich brauch koa Ticket ohne Wortezeit"!
Heimatdichterin, Erika Schiefer Zeltweg
MeinBezirk auf
MeinBezirk als 
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.