Lyirkeckerl
Weihnachten wie's früher war
- Foto: pixabay
- hochgeladen von Bernhard Hofbauer
Wie schön wor's doch in d'Kinderjohr
Wia Weihnocht'n noch Weihnocht wor.
Man hot sich in der selbig'n Zeit
Vom Herz'n noch auf Weihnocht g´freit.
Es hot nit Berge von Geschenken geb'n
-De wos's heit eh auf'd Seitn leg'n-
A Haub'n und Sock´n selber gstrickt
Man wor do z´friedn und wor beglückt.
Stundenlang is d'Muatta g´sess´n
Hot oll ihr'n Ärger do vergessn
Weil so a G'schenk jo ganz bestimmt
Von ihr vom ganzen Herzen kimmt.
Am Christbam in da Stub´n ent
Hob´n a etla Kerzn brennt
Zuckerl san am Bam draun g'hänkt
Man wor damit scho guat beschenkt.
Im Ofn hob´n die Scheiter krocht
Es wor sche worm in der heilig´n Nocht.
Wor koa Gedank´n an Prunk und Glaunz
Is bet´ worn noch da Ros´nkraunz.
Und nochher hot´s, so is holt g'wen
Erst die kloan Geschenke geb´n.
De worn nit kloa in die selbig´n Johr
Weil wos kloans domols vül größer wor.
Heit gibt’s Packl haufenweis
Wird oft nit gschaut mehr auf´n Preis
Und oft wird - hob i des Gfüh´l -
Einkauft oll's und vül zu vül.
Langsam geht der Sinn verlor´n
Weil ols nur mehr a Gschäft is wor´n.
Is nimmer so wie´s früher wor
„Weil Weihnocht is des ganze Johr“!
Ein Gedicht von Herbert Drexler
MeinBezirk.at auf
Die Woche als 
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.