Da Muata ihr Kletznbrot
I woaß net, wia die Muata tuat, ihr Kletznbrot is´ holt so guat,
dass d´ollaweil grod essn kunnst und andern kaum a Stückl gunnst.
I han ihr zuagschaut oft ban Mochn und han ön Ofn gricht zan Bochn
Und han brav gwart va lauta Freud, bis ghoaßn hot: Hiaz is´s so weit!
Di Muata nimmt den großn Loab, schaut umadum no af sei Farb:
Wohl, wohl, es war schon d´rechte Hitz! Drauf mocht si mit an Messerspitz
Drei Kreuzln of dös Labl dran und schneid´t dös Brot bedächti an.
Da Vota kriagt ön erschtn Scherz, er greift und druckt´n überwärts
Und sogt:“Wohl, Muata, schön is´s wieda!“
Sie legt a Stückl vor mir nieda.
I moch die Augn zua und schmeck´sonst aßat i´s jo weg van Fleck!
I ziag a poarmol d´Nosn auf und kimm schön langsam af olls drauf.
I schmeck die Schmolln und schmeck die Rindn,
die Kletzn, Nussn woaß i z´finden.
Die Feign und die Weinbirln ah, und wann i net grod rotzi wa,
oft schmeckat i ön Schnaps am End, den d´Muata grod so über d´Händ
hot einitröpfln lossn……
Hiaz schau i wieda auf die Großn – hau Bua, do hot´s mi nocha grissn:
Dö hobn in´s Brot scho einibissn!
Do fang i a glei zan Essn an und beiß no, wia´s scho gor is, dran.
I woaß net, wia die Muata tuat – ir Kletznbrot is´ holt so guat!
Für den 4. Adventsonntag habe ich ein Gedicht von Pert Peternell gefunden, das ich euch nicht vorenthalten möchte.
Viel Spass beim Lesen!
MeinBezirk.at auf
Die Woche als 
12 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.