Gedanken zum Nationalfeiertag
Alpenland Österreich, Land der stolzen Leute! - Mundart Zeilen
Alpenland Österreich, Land der stolzen Leut`!
Alpenland Österreich, Land der stulzen Leut`,
in da Lederhosn und im Dirndlkleid.
Do bliat da Enzian, die Narzissn,
a des Edelweiß am Berg.
,,Küss die Hand'' sogt ma bei uns,
auch ,,Servus“ und ,,Wiederschaun''.
Flirten is a ,,Gspusi'', do sogt daun
da Bua zum Madl ,,I mog di gern!''.
A Küsschen is a Bussl und
dazua gibs a Lebkuchnherz.
Salot wird mit Kernöl bestöllt und
des Wiener Schnitzl is des Leibgericht.
An Pfiff Bier trinkt ma dazua,
a an Schilcher, oda an Uhudler.
Verhundsn lass` ma uns des Laund net,
mit de Scherz va der Schmähdandler.
Rulln loss` ma höchstns a Mozartkugl,
Grandscherm beruhign ma mit ana Sachertortn.
Pantscherln duan gern de Politiker*innen,
so mauncha wird eignaht im Hefn.
Fetznschädl, Depp, Dodl,
Oide, dicke Blunzn blärn ma oft gern.
Owa, eigendli gemma gern Strawanzn,
sitz ma gmürtlich in da Buschenschank zaum.
Gemma gern aufi auf de schneeweißn Berg,
reiß` ma an sauberen Stern ban Owibrettln.
Taunz ma lieba an Wiener Walzer,
in de gleichn Hodern wia de Sissy und da Franzl.
Spompanadl hom ma a net gern,
a Österreicher*in is bodnständig und zach.
Owa, mit a poar Stamperl Schnops,
wird da urigste Lederhosnträger redsöllig.
Daun vatrotscht ma si gern und
reißt am Hamweg so maunchn Stern.
In Österreich is nit olles a gmahte Wiesn,
doch Ormutschkerl san de Leit' nit.
Sans noch ana durzechtn Nocht blunzn fett,
auf Österreich sans stulz und lossns nix kumman.
Und olawal Lochn duans gern,
a gspoßi sans und freindli sowiso.
24 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.